کبھی تو موسمِ گل بھی سرِ خاشاک اُترے گا
تھکن جسموں سے جائے گی لباسِ خاک اُترے گا
۔۔۔
کوئی فرخت تو جھانکے گی کبھی خوشبو کی چلمن سے
کبھی تو سر سے یہ لمحہ اذیت ناک اُترے گا
۔۔۔
کھلیں گے سیپ سوچوں کے تو گوہر جھلملائیں گے
تخیل کے سمندر میں کوئی تیراک اُترے گا
۔۔۔
سمیٹے گا اُداسی کو، شعور و آگہی دے گا
شہر میں کوئی تو اک صاحبِ ادراک اُترے گا
۔۔۔
نہ ہو گا کوئی مل مالک نہ دھرتی کچھ وڈیروں کی
نقیبؔ اب آسماں سے ہی کوئی بے باک اُترے گا