ہم مبتلائے سچ تھے سو تاجِ صلیب تھے

عارف پرویز نقیب غزلیات مشاہدات: 94 پسند: 0

دستار کے شیدائی بھی کیا بدنصیب تھے

۔۔۔

حیراں نہیں کہ میں تھا پریشاں بدرجہا

ناواقفِ حروف بھی اب کے خطیب تھے

۔۔۔

اچھا ہوا کہ آپ نے اس کا نہ رُخ کیا

اس شہرِ جاں پہ درد کے سائے مہیب تھے

۔۔۔

میں چھین بھی تو سکتا تھا ایسا نہیں کیا

یہ جانتے ہیں آپ تو میرا نصیب تھے

۔۔۔

ہم پہ نہ کیوں نگاہ تیری ملتفت ہوئی

آخر کو جاناں ہم ہی تو تیرے قریب تھے

۔۔۔

وہ اس کے خال و خد کہ وضاحت سے ماوراء

ہم اس کو سوچتے تھے کہ ہم بھی عجیب تھے

۔۔۔

ہم پہ نہ تیرے شہر کا بابِ وفا کھلا

حالاں محبتوں کے تو ہم ہی نقیبؔ تھے

واپس جائیں